Konpainia – Aukeran

Aukeran 30! urte

1997an sortu genuen lehenengo funtziotik ia 30! urte pasa dira eta ospatzeko asmoa dugu, horixe baietz! Izan ditugun beste bidelagun batzuen urteurrena ere bada eta denon artean ikuskizun hunkigarri bat aurkeztuko dugu. Laister izango duzue honen berri!

30! URTE

AUKERAN BETI DANTZA

Aukeran-en 20. urteurrena ospatzeko, geldialdi berezi bat ere egin genuen. Garai hartan, elkarrizketa, ekitaldi eta ospakizun bilduma zabala sortu genuen. Gure ibilbide handiaren isla!

Ezagutu "Aukeran 20 Urte"

Edu Muruamendiaraz

Koreografo eta zuzendaria

Aukeran Dantza Konpainiako sortzaile, koreografo, zuzendari eta dantzaria. Bere oinarrizko formakuntza dantza tradizionala izanik, ibilbide profesionala lengoai garaikidea eta tradizionalaren arteko esperimentazio eta berrikuntzara bideratuta egon da, koreografia berritzaileak sortuz berak zuzendutako lanetan.

Gaur egun, aholkulari artistiko eta koreografo gisa parte hartzen du hainbat ekoizpenetan.
Dantza irakasle gisa garatzen du bere irakaskuntza-alorra.
Dantza tradizionaleko ikastaro monografikoak ematen ditu gure mugetatik kanpo, irakasle eta ikasleentzat.
Ildo horretan, dantzaren sentsibilizaziora bideratutako hainbat proiektu garatu eta sustatzen ditu, Urnietako CAE Saroberekin elkarlanean kudeatzen dituenak.

Dantzariak

Uxue Sánchez Larrañaga

Nahikari Sánchez Martin

Maier Muruamendiaraz Alberdi

Ane Etxeberria Izagirre

Nora Muro Vaquero

Unai Iraola Uribarrena

Danel Serrano Sánchez

Kimetz Cabanillas Gabirondo

Konpainia

Aukeran DK, Donostian finkatutako konpainia, 1997an sortu zen Edu Muruamendiaraz dantzari eta koreografoaren ekimenez. Ibilbide luze eta emankorra izan du ordutik, hamaika ikuskizunen produkzio eta biretan islatzen dena.

Dantza tradizionalaren eta garaikidearen arteko mestizajeak definitzen du bere lan koreografikoa. Bertan, dantza eta musika tradizionalaren erritmoa zein arauak hautsi, aldatu, moteltzen edo desegituratzen dira.

Ekoizpen hauek eta dakartzaten istorioak aurrera emateko luxuzko lagunak izan ditugu: Unai Elorriaga, Miren Agur Meabe, Karmele Jaio... Munstroak! Musika eman digutenek ere ohorez eta gozamenez bete gaituzte, hala nola Fernando Velázquezek 'Burnia' ikuskizunerako musika egin zigun, baita Juanjo Oconek ere egin dizkigu lanak, edo eta Zeberiotarrek.

Ordutik sorkuntza berritzaileak proposatu ditugu.